Ширмонбулоқда дўстлик кўпригига асос солинди

Цемент ишлаб чиқаришга қаратилган лойиҳа қурилишининг бошланишига бағишланган тантана икки давлат ўртасидаги дўстлик муносабатларини ўзида ифода этди. Унда сўз олган вилоят ҳокими, Олий Мажлис Сенати аъзоси Шуҳратбек Абдураҳмонов дастлаб Булоқбошида саноат маҳсулотлари ишлаб чиқариш суръатининг пастлиги, амалдаги йилнинг ўтган даврида булоқбошиликларнинг вилоятдаги улуши атиги 1.4 фоизни ташкил этганлигига йиғилганлар эътиборини қаратди. Чилустун тоғлари ёнбағрида барпо этиладиган янги корхона бу борада катта ўзгаришларга сабаб бўлишини таъкидлади. Лойиҳанинг умумий қиймати 203.9 миллион АҚШ долларини ташкил этади. Қурилиш ишлари 18 ойда якунланиши кўзда тутилмоқда. Муҳими, бу билан 750 та иш ўрни яратилади. Корхона ишга тушгач туманда саноат маҳсулотлари ишлаб чиқариш хажми 5 маротабага ортади. Йилига қўшимча 20 миллион АҚШ доллари миқдорида экспортни амалга ошириш имконияти яратилади.

Бош мақсад - Ўзбекистонда номига муносиб дўстлик кўпригини яратиш. Лойиҳаниасосан маҳаллий ёшлар биланамалга оширилиши режалаштирилган. Шунингдек, цемент заводи билан бир вақтда туманга темир йўл, автомобиль йўли ва коммуникация тармоқлари кириб келади. Бу айни вақтда янги ҳамкорлар ва бошқа турдаги ишлаб чиқариш корхоналаринингташкил этилишига имкон яратади.

Байрамга айланган тадбир якунида томонлар ўртасида ҳамкорлик шартномлари имзоланди, вилоят ҳокими Ш.Абдураҳмонов меҳмонларга эсдалик совғаларини топширди. Шу куни заводнингдастлабки тамал тоши қўйилди.